SSC GD Constable 2026: పది పాస్‌ అయ్యారా? 25,487 పోస్టులకు SSC నోటిఫికేషన్ వచ్చేసింది..ఇలా అప్లై చేసుకోండి!

స్టాఫ్‌ సెలక్షన్ కమిషన్‌ (SSC) ప్రతి సంవత్సరం GD కానిస్టేబుల్ ఉద్యోగాలకు నియామకాలు చేస్తుంది. 2026 కోసం కూడా కొన్ని ఉద్యోగాలను ప్రకటించింది. ఈ ఉద్యోగానికి అర్హులు అయిన వారు SSC అధికారిక వెబ్‌సైట్ ssc.gov.in కి వెళ్లి 31 డిసెంబర్ 2025 వరకు దరఖాస్తు చేసుకోవచ్చు. ఫారం ఆన్‌లైన్‌లో మాత్రమే నింపాలి. ఆఫ్‌లైన్ ఫారంలను ప్రభుత్వం తీసుకోదు. ఈ నియామకం ద్వారా మొత్తం 25,487 పోస్టులు భర్తీ అవుతాయి. ఈ పోస్టులలో 23,467 పోస్టులు పురుషులకు కేటాయించారు. 2,020 పోస్టులు మహిళలకు కేటాయించారు. SSC GD కానిస్టేబుల్‌కు దరఖాస్తు చేయాలంటే, అభ్యర్థులు గుర్తింపు పొందిన బోర్డు నుంచి 10వ తరగతి పాస్ అయి ఉండాలి. వయస్సు కనీసం 18 సంవత్సరాలు, గరిష్టంగా 23 సంవత్సరాలు మించకూడదు.

వివరాలు ఇలా ఉన్నాయి:

BSFలో 616 పోస్టులు

CISFలో 14,595 పోస్టులు

CRPFలో 5,490 పోస్టులు

SSBలో 1,764 పోస్టులు

ITBPలో 1,293 పోస్టులు

ARలో 1,706 పోస్టులు

SSFలో 23 పోస్టులు

ఎలా దరఖాస్తు చేయాలి?

1. ముందుగా ssc.gov.in వెబ్‌సైట్‌కి వెళ్లండి.

2. హోమ్‌పేజీలో కనిపించే Apply లింక్‌పై క్లిక్ చేయండి.

3. అక్కడ GD కానిస్టేబుల్ రిక్రూట్‌మెంట్ లింక్ కనిపిస్తుంది, దానిపై క్లిక్ చేయండి.

4. కొత్తగా దరఖాస్తు చేసే వారు మొదట New User Register Now పై క్లిక్ చేసి తమ వివరాలు ఇస్తూ రిజిస్టర్ చేయాలి.

5. తర్వాత లాగిన్ అయ్యి మిగతా వివరాలను పూరించాలి.

6. తరువాత నిర్దేశించిన ఫీజు చెల్లించాలి.

7. చివరగా, పూర్తిగా నింపిన ఫారమ్‌ను ప్రింట్ తీసుకుని భద్రంగా ఉంచాలి.

ALSO READ: పదో తరగతి అర్హతతో CSIR NCLలో ఉద్యోగాలు.. టెక్నికల్ అసిస్టెంట్ పోస్టుల భర్తీకి ప్రకటన!