ITR: ఇన్‌కమ్ టాక్స్ రిఫండ్ ఇంకా రాలేదా? ఇలా చేయండి!

మీరు మీ ఇన్‌కమ్ టాక్స్ రిటర్న్ ఫైల్ చేసి చాలా రోజులు అయింది కానీ మీ రిఫండ్ ఇంకా రాలేదా? ప్రతి రోజు పోర్టల్ చెక్ చేస్తున్నారు కానీ స్టేటస్ ఇంకా ప్రాసెసింగ్ అని చూపిస్తోందా? చాలా మంది ట్యాక్స్ పేయర్లు ఇప్పుడు ఇదే సమస్యతో బాధపడుతున్నారు. గత సంవత్సరాల్లో రిఫండ్ త్వరగా వచ్చేది కానీ ఇప్పుడు ఎందుకు ఇంత డిలే అవుతోంది? ఈ సంవత్సరం ఏమైంది? మీరు ఏమీ తప్పు చేయలేదు కదా మరి రిఫండ్ ఎందుకు స్టక్ అయిపోయింది? ఏమైనా పెద్ద మార్పు జరిగిందా? డిపార్ట్‌మెంట్ ఏదైనా కొత్త రూల్స్ పెట్టిందా? లేక మన తప్పేనా? ఇలాంటి ప్రశ్నలు మీ మనసులో మెదులుతున్నాయా? దీనికి సమాధానాలు ఇప్పుడు చూద్దాం!

ఇక ఈ ఏడాది ఇన్‌కమ్ ట్యాక్స్ రిఫండ్స్ ఆలస్యం కావడానికి ప్రధాన కారణం ఇన్‌కమ్ ట్యాక్స్ డిపార్ట్‌మెంట్ చేస్తున్న ఎక్కువ చెకింగ్స్. చాలా కేసుల్లో ఎక్కువ డిడక్షన్స్ క్లెయిమ్ చేసినవి లేదా హై వాల్యూ రిఫండ్స్ ఉన్నవి రెడ్ ఫ్లాగ్ అయిపోతున్నాయి. తప్పుడు క్లెయిమ్స్ లేదా ఫ్రాడ్ రిఫండ్స్ ఆపడానికి డిపార్ట్‌మెంట్ జాగ్రత్తగా చూస్తోంది. అందుకే మాన్యువల్ వెరిఫికేషన్ జరుగుతోంది. గత సంవత్సరంతో పోల్చితే రిఫండ్ ఇష్యూస్ తగ్గాయి కానీ టోటల్ ట్యాక్స్ కలెక్షన్స్ పెరిగాయి. దీంతో రిఫండ్ వెయిటింగ్ ఎక్కువైంది.

మరో ముఖ్యమైన కారణం డేటా మిస్‌మ్యాచ్‌లు. మీరు ఫైల్ చేసిన రిటర్న్‌లోని ఇన్‌కమ్ లేదా టీడీఎస్ డిటెయిల్స్ ఫారం 26ఏఎస్ లేదా ఏఐఎస్‌తో మ్యాచ్ కాకపోతే ఆటోమాటిక్‌గా కేసు హోల్డ్ అవుతుంది. చిన్న తేడా ఉన్నా సరే మాన్యువల్ చెక్‌కి వెళ్తుంది. ఓల్డ్ టాక్స్ రెజీమ్‌లో ఎక్కువ డిడక్షన్స్ క్లెయిమ్ చేసినవాళ్లకి ఇది ఎక్కువగా జరుగుతోంది.

ఇక బేసిక్ ప్రాబ్లమ్స్ కూడా రిఫండ్ ఆపేస్తాయి. మీ బ్యాంక్ అకౌంట్ ఈ-ఫైలింగ్ పోర్టల్‌లో ప్రీ-వాలిడేట్ కాకపోతే లేదా ఐఎఫ్‌ఎస్‌సీ కోడ్, అకౌంట్ నంబర్ తప్పు ఉంటే రిఫండ్ క్రెడిట్ కాలేదు. అలాగే రిటర్న్ ఫైల్ చేసిన తర్వాత ఈ-వెరిఫికేషన్ టైంకి చేయకపోతే కూడా ప్రాసెసింగ్ స్టార్ట్ కాదు. గత ఏళ్లలో ఏవైనా అన్‌పెయిడ్ టాక్స్ డిమాండ్స్ ఉంటే కూడా కొత్త రిఫండ్‌ని అడ్జస్ట్ చేసి మిగతాదే ఇస్తారు.

మరోవైపు ఈసారి ఐటీఆర్ ఫారమ్స్ ఆలస్యంగా రిలీజ్ అవడం, క్యాపిటల్ గెయిన్స్ రూల్స్ మార్పుల వల్ల ఫైలింగ్ డెడ్‌లైన్ ఎక్స్‌టెండ్ అవడం వల్ల కూడా సెంట్రలైజ్డ్ ప్రాసెసింగ్ సెంటర్‌లో వర్క్‌లోడ్ ఎక్కువైంది. సాధారణంగా రిఫండ్ 4 నుంచి 6 వీక్స్‌లో వస్తుంది కానీ ఈసారి కొన్ని కేసుల్లో నెలలు పడుతోంది. మంచి విషయం ఏమిటంటే మీ తప్పు కాకపోతే ఆలస్యమైన రిఫండ్‌పై 0.5 శాతం పర్ మంత్ ఇంట్రెస్ట్ వస్తుంది

ఇప్పుడు మీరు ఏం చేయాలంటే? ముందు ఈ-ఫైలింగ్ పోర్టల్‌లో లాగిన్ అయి రిఫండ్ స్టేటస్ చెక్ చేయండి. ఏఐఎస్, ఫారం 26ఏఎస్‌తో మీ రిటర్న్ డిటెయిల్స్ మ్యాచ్ అవుతున్నాయో చూసుకోండి. బ్యాంక్ అకౌంట్ ప్రీ-వాలిడేట్ చేశారో లేదో కన్ఫర్మ్ చేయండి. ఏదైనా డిపార్ట్‌మెంట్ నుంచి ఈమెయిల్ లేదా ఇంటిమేషన్ వచ్చిందో చెక్ చేయండి. చాలా ఆలస్యం అయితే పోర్టల్‌లోనే గ్రీవన్స్ రైజ్ చేయండి లేదా ఈ-నివారణ్ ద్వారా కంప్లైంట్ పెట్టండి. చివరగా చెప్పాలంటే ఈ ఆలస్యం ఫ్రస్ట్రేటింగ్‌గా ఉంటుంది కానీ చాలా కేసుల్లో డిస్‌క్రెపెన్సీ రిజాల్వ్ అయిన తర్వాత రిఫండ్ వచ్చేస్తుంది. సిబిడిటి చైర్మన్ కూడా చెప్పినట్టు చాలా రిఫండ్స్ డిసెంబర్ లోపు క్లియర్ అవుతాయి. కాబట్టి పానిక్ అవ్వకండి స్టేటస్ రెగ్యులర్‌గా చెక్ చేస్తూ ఉండండి.

ALSO READ: మనల్ని మనమే మరిచిపోయిన కథ.. బతుకుతున్నామా లేదా నటిస్తున్నామా?