Willem johan kolff: కృత్రిమ అవయవాల పితామహుడు, లక్షలాదిమందికి ప్రాణదాత..!

అంత చిక్కని కారణాలతో కిడ్నీ వ్యాధుల బారిన పడ్డ ఉద్దానం ప్రజల గురించి విన్నాం. అలానే డయాబెటిస్, హైపర్ టెన్షన్ లాంటి కారణాలతో ప్రతి సంవత్సరం ఎంతోమంది కిడ్నీ రోగాల బారిన పడుతున్న వ్యక్తులు మన చుట్టూ ఉన్నారు. దేశంలో లక్షలాదిమంది దీనికి చికిత్స తీసుకుంటున్నారు.
అయితే ఇన్ని లక్షల మంది ప్రాణాలను కాపాడుతుంది ఒక శాస్త్రవేత్త కనిపెట్టిన మెషిన్ అని తెలుసా! అదే డయాలసిస్ మెషిన్. దీని ద్వారా దేశంలోనే కాకుండా ప్రపంచవ్యాప్తంగా కొన్ని లక్షల మంది తమ ప్రాణాలను నిలుపుకుంటున్నారు.

ఇంతకు డయాలసిస్ అంటే ఏంటి?

ఒక వ్యక్తికి కిడ్నీ జబ్బుల వల్ల శరీరంలోని రక్తం, ద్రవాలు శుభ్రపరిచే సామర్ధ్యం దాదాపుగా తగ్గిపోయినప్పుడు శరీరంలో ఉండే రక్తాన్ని డయాలసిస్ మెషిన్ ద్వారా కృత్రిమంగా శుభ్రం చేసి మలినాలను తొలగిస్తారు. కిడ్నీ పనితీరు బట్టి కొంత కాలం నుండి జీవితాంతం ఈ డయాలసిస్ చికిత్స తీసుకోవాలి. ఇది క్లుప్తంగా డయాలసిస్ అంటే.

ఇంతటి అమూల్యమైన మెషిన్ ని కనిపెట్టిన వ్యక్తి పుట్టినరోజు నేడు. అతని పేరే విల్లెమ్ జోహన్ కోల్ఫ్. ఇతను డచ్- అమెరికన్ ఫిజిషియన్, బయో మెడికల్ ఇంజనీర్.

విల్లెం కోల్ఫ్ 1911 లో నెదర్లాండ్స్‌లోని లీడెన్‌లో జన్మించారు. ఐదుగురు సంతానంలో తనే పెద్దవాడు. తన తండ్రి జేకబ్ కోల్ఫ్ వృత్తిరీత్యా డాక్టర్. జబ్బుతో చనిపోయే పేషంట్లను తను ఎప్పటికీ హ్యాండిల్ చేయలేనని భావించి జూ డైరెక్టర్ గా పనిచేయాలని నిర్ణయించుకున్నాడు. కానీ తండ్రి ప్రోత్బలంతో మెడిసిన్ చేసి కోల్ఫ్ 1937లో లైడెన్ విశ్వవిద్యాలయంలో తన ఎం.డి. పట్టా పొందాడు. కోల్ఫ్ తన పిహెచ్.డి. కోసం గ్రోనింగెన్ విశ్వవిద్యాలయంలో వెళ్ళాడు; అయితే, నాజీ జర్మనీ ఆక్రమించినప్పుడు అతని విద్యా జీవితానికి బ్రేకులు పడ్డాయి.

వైద్య పరిశోధనలకు తొలి అడుగు

గ్రోనింగెన్ విశ్వవిద్యాలయంలో ఉన్నప్పుడు, 22 ఏళ్ళ యువకుడు ఉరేమియా వల్ల కిడ్నీ ఫేల్యూర్ తో చనిపోవడం విల్లెమ్ కోల్ఫ్ ను తీవ్రంగా కలిసి వేసింది. దాంతో అతను కృత్రిమ మూత్రపిండాలపై పరిశోధన చేయాలని నిర్ణయించుకున్నాడు. అతను తన శరీరానికి విషం కలిగించే అదనపు యూరియాను రోగి రక్తాన్ని శుభ్రం చేయడానికి కిడ్నీల పనితీరును కొంతకాలం పాటు చేపట్టడానికి మార్గం కనుగొంటే,కిడ్నీలు కోలుకుని మళ్లీ పనిచేయడం ప్రారంభిస్తాయని నమ్మాడు. దానికోసం ఎన్నో పుస్తకాలు తిరగేసి ఇది వరకే ఈ ప్రక్రియను జంతువుల మీద చేసినట్లు తెలుసుకున్నాడు. పాడైన కిడ్నీల స్థానంలో ఈ కృతిమ కిడ్నీల లాగా డయాలసిస్ ప్రక్రియ ఉపయోగపడుతుంది అని నమ్మాడు. దానికోసం తనే స్వయంగా స్పేర్ పార్ట్ లతో డయాలసిస్ మెషిన్ నిర్మించడం మొదలుపెట్టాడు.

యుధ్ధంలో ప్రాణాలు

కొల్ఫ్ పెద్ద డయాలసిస్ యంత్రాన్ని నిర్మించే అవకాశం రాకముందే, జర్మనీ నెదర్లాండ్స్‌పై దాడి చేసింది. కొల్ఫ్ గురువు స్నేహితుడు ప్రొఫెసర్ డేనియల్స్ అతని భార్య, యూదులు కావడంతో నాజీల నుండి తప్పించుకోవడానికి ఆత్మహత్య చేసుకున్నారు. గ్రోనింగెన్‌లో నాజీ సానుభూతిపరుడి క్రింద పనిచేయడానికి కొల్ఫ్ నిరాకరించాడు, కాబట్టి అతను కృత్రిమ మూత్రపిండంపై తన పనిని కొనసాగించడానికి కాంపెన్‌లోని చిన్న ఆసుపత్రికి బదిలీ అయ్యాడు.

కాంపెన్‌లో ఉన్నప్పుడు, కొల్ఫ్ కృత్రిమ మూత్రపిండంపై తన పని నుండి చాలాసార్లు మరల్చబడ్డాడు. 1940 లో జర్మన్లు స్థానిక శిబిరంలో బ్యారక్స్‌పై బాంబు దాడి చేసినప్పుడు, రక్తం యొక్క అవసరాన్ని కొల్ఫ్ చూశాడు మరియు అతను హాజరవుతున్న అంత్యక్రియలను విడిచిపెట్టి ఆసుపత్రికి వెళ్లి బ్లడ్ బ్యాంక్ ఏర్పాటు చేయడానికి అనుమతి కోరాడు. అతనికి అనుమతి లభించింది. అలా 4 రోజుల్లో కొల్ఫ్ యూరప్‌లో మొట్టమొదటి బ్లడ్ బ్యాంక్‌ను ఏర్పాటు చేశాడు.

డయాలసిస్ మెషిన్

artificial kidney developed by Dr.kolff

కొల్ఫ్ తన మొదటి డయాలసిస్ మెషిన్ ను సెల్యులోజ్ సాసేజ్ కేసింగ్‌ను చెక్క డ్రమ్ చుట్టూ చుట్టి, లిక్విడ్ కంటైనర్‌పై ఉంచడం ద్వారా నిర్మించాడు. పాత ఫోర్డ్ మోటార్ ఉపయోగించి, కొల్ఫ్ చేతి క్రాంక్ లేకుండా డ్రమ్‌ను తిప్పగలిగాడు. తరువాతి మోడళ్లలో, డయాలసిస్ యంత్రాలను పరీక్షించడానికి నారింజ జ్యూస్ డబ్బాలు మరియు వాషింగ్ మెషిన్ భాగాలను ఉపయోగించాడు.

పరిశోధనలో ఆటంకాలు

కిడ్నీ డయాలసిస్ మొదటి ట్రయల్స్ 1943 లో ప్రారంభమయ్యాయి. కొల్ఫ్ క్లినికల్ ట్రయల్స్ ప్రారంభించడానికి సిద్ధంగా ఉన్నాడు, కాని అతని తోటి వైద్యులు నమ్మలేదు. కొంతమంది రోగులను మాత్రమే డయాలసిస్ కోసం అతనికి పంపించారు. వారు మూత్రపిండ వైఫల్యం చివరి దశలో(End stage Renal Failure) ఉన్నారు, వారిని డయాలసిస్ చేయడం వల్ల ఎటువంటి తేడా రాలేదు. కొల్ఫ్ మొదట చికిత్స చేసిన 16 మంది రోగులలో 15 మంది మరణించారు. మరొకరు డయాలసిస్ లేకుండా కూడా బతికి ఉండేవారని కొల్ఫ్ నమ్మాడు. రోగులు మరణించినప్పటికీ, వారి రక్తంలో యూరియా స్థాయిలు తగ్గినట్లు కౌఫ్ గమనించాడు, ఇది అతని ఆవిష్కరణ పనిచేస్తుందనడానికి ఒక సంకేతం.

మరవని వృత్తి ధర్మం:

యుద్ధ సమయంలో తన యంత్రాన్ని సురక్షితంగా ఉంచడానికి, అతను ఎనిమిది యంత్రాలను తయారు చేసి నెదర్లాండ్స్‌లోని వివిధ ఆసుపత్రులలో పంపిణీ చేశాడు. యుద్ధం కారణంగా కోల్ఫ్ 1944 జూలైలో కృత్రిమ కిడ్నీపై తన పనిని విడిచిపెట్టవలసి వచ్చింది.
మరియా షావట్ అనే నాజీ సహకారిణి, ఆమె ఆసుపత్రిలో చేరడానికి ముందు ఖైదు చేయబడింది. “నా దేశస్థులలో చాలా మంది ఆమె మెడను పిండివేయాలని కోరుకున్నారు” అని కోల్ఫ్ తో అన్నారు, ఆమెను చనిపోనివ్వమని వారు కోరారు. అయితే కోల్ఫ్ “ఏ వైద్యుడికీ రోగి మంచివాడా కాదా అని నిర్ణయించే హక్కు లేదు, అతడు అవసరంలో ఉన్న ప్రతి రోగికి చికిత్స చేయాలి” అని భావించాడు. 12 గంటల డయాలసిస్ తర్వాత ఆమె రక్తపోటు తగ్గింది మరియు యూరియా స్థాయిలు తగ్గాయి, ఆమె కోమా నుండి బయటకు వచ్చింది. ఆ తర్వాత తను 8 ఏళ్ళు బతికింది.

సహచరులే నమ్మని స్థితి

ప్రాణాలను కాపాడే అవకాశాన్ని వ్యాప్తి చేయడానికి, కోల్ఫ్ తన డయాలసిస్ యంత్రాలను ఒంటారియో, న్యూయార్క్, మాంట్రియల్ సహా ఇతర ప్రదేశాలకు ఎటువంటి చెల్లింపు లేకుండా విరాళంగా ఇచ్చాడు. యుద్ధం కారణంగా కోల్ఫ్ కృత్రిమ కిడ్నీకి డబ్బు చెల్లించలేదు. జర్మన్ సైన్యం కోసం తప్ప మరే ఇతర వ్యక్తి కోసం కర్మాగారం పనిచేయడానికి అనుమతించబడలేదు. కోల్ఫ్ తన డయాలసిస్ యంత్రాన్ని తయారు చేసిన ఎనామెల్ కర్మాగారం, సైన్యానికి తెలియజేయకుండా కోల్ఫ్ కు బిల్లు చేయలేకపోయింది. అదనంగా, “ఆ సమయంలో వైద్యుడు ఏదైనా ఆవిష్కరణపై డబ్బు సంపాదించడం అనైతికంగా భావించారు” అని కోల్ఫ్ భావించాడు, ఎందుకంటే కిడ్నీ డయాలసిస్ యంత్రం సాపేక్షంగా కొత్తది. చాలా మంది వైద్యులు దీనిని సందేహించారు. ఈ యంత్రాన్ని “హేయమైనది” అని పిలిచారు. ఏ మానవ నిర్మిత యంత్రం కూడా కిడ్నీ పనితీరును భర్తీ చేయలేదని ఎక్కువ కాలం డయాలసిస్‌కు గురైన రోగుల రక్తనాళాల్లో శాశ్వత నష్టం వాటిల్లుతుందని చాలా మంది వైద్యులు నమ్మారు. మౌంట్ సినాయ్ హాస్పిటల్‌లో ఇతర వైద్యులకు యంత్రాన్ని ఉపయోగించడం గురించి బోధిస్తున్నప్పుడు, ఆసుపత్రి నిర్వాహకులు కిడ్నీ డయాలసిస్‌ను బహిరంగంగా వ్యతిరేకించారు. కౌఫ్ రహస్యంగా రాత్రిపూట సర్జికల్ సూట్‌లో డయాలసిస్ చేయవలసి వచ్చింది.

కష్టానికి ఫలిత

కష్టానికి ఫలితం

1950లో తను యూఎస్ కు వలస వెళ్ళి పని చేశాడు. ఎన్నో చికిత్సల తర్వాత, 1950- 1960 ల మధ్య, డయాలసిస్ కిడ్నీ వైఫల్యానికి చికిత్సగా మరింత ఆమోదయోగ్యంగా మారింది..కోల్ఫ్ అక్కడే తన డయాలసిస్ మెషిన్ ను మెరుగుపరుచుకున్నాడు. బోస్టన్, మసాచుసెట్స్ లో కోల్ఫ్- బ్రిఘం కృత్రిమ కిడ్నీ ప్రొడక్షన్ మొదలైంది. అది అక్కడినుంచి ప్రపంచవ్యాప్తంగా ప్రాచుర్యం పొందాయి. 1967లో ఆయన యూటా(utah) విశ్వవిద్యాలయంలోని కృత్రిమ అవయవాల విభాగం మరియు బయోమెడికల్ ఇంజనీరింగ్ సంస్థకు అధిపతి అయ్యారు. అక్కడ ఆయన కృత్రిమ గుండె అభివృద్ధిలో పాలుపంచుకున్నారు, అందులో మొదటిది 1982లో ఓ రోగికి అమర్చబడింది,అతను మరణించే సమయానికి గుండె పనిచేస్తూనే నాలుగు నెలలు జీవించాడు.

వైద్య రంగంలో ఇన్ని గొప్ప సేవలు, ఆవిష్కరణలకు గాను తనకి 12 గౌరవ డాక్టరేట్లతో పాటు ఎన్నో అవార్డులు వచ్చాయి.
తనని “ఫాదర్ ఆఫ్ డయాలసిస్” అని బిరుదు కూడా ఇచ్చారు. ప్రతి సంవత్సరం ఇన్ని లక్షల మంది ప్రాణాలను కాపాడుతూ విల్లెమ్ జోహన్ కోల్ఫ్ 11 ఫిబ్రవరి,2009 ను కన్నుమూశారు. తనని “కృత్రిమ అవయవాల పితామహుడు గా కీర్తించారు.” ఇలా ఎంతో మంది ప్రాణాలను కాపుడుతున్న తన ఆవిష్కరణలో తను ఎప్పుడూ గుర్తుండిపోతాడు.